অপেক্ষাৰ ৰেখা, Assamese Poem

বালিত বহি
খোপাত গুজি লয়
পোহৰে ঢৌ তুলি যোৱা
ৰিহাৰ আঁচল

শুধ বগা নৈৰ সিপাৰৰ
চিনাকী নিৰৱতাৰ বাঁহী
বাজি থাকে বতাহত

বুকুৰ আলসুৱা
সাঁচি থোৱা খিলখিল নিজৰা
নামি আহিছিল
সোণবৰণীয়া তৰা হৈ

বিজুলী চমকি
কঁপালৰ ফুটটো
ডুব মাৰিছিল
কলঙৰ ঢৌ হৈ

ফুলৰ স্নিগ্ধতা সনা
এই পবিত্ৰ প্ৰেমে
ভৰিৰ আঙুলিৰে বালিত আঁকিছিল
অপেক্ষাৰ ৰেখা

Tag: 

Similar Entries

Yellow Page Service

www.assamyellowpage.com